قصيدة باص العيايز، والرد عليها...

ˆ~*¤®§(*§*)§®¤*~ˆ°بـاص العيـايـز °ˆ~*¤®§(*§*)§®¤*~

الشاعر " محمد بن سوقات "

باصّ العيايز مرّ مشحون .. يتعلمن كتبه وقرايه

ادخل حسن واظهر ياحسون .. اكتبو لهم ديج وديايه

الكبار مايحتاج يقرون .. عيالهم عنهم كفايه

يوم أنهيو وانوو يدشّون .. صرّوا البراقع في الوقايه

يبغن وظيفة تلفزيون .. والا مهندس للبنايه

عيالهم باتوا يصيحون .. وحق الريل قالوا برايه ˆ°

ورد الشقيق الاكبر "حمد بن سوقات" على اخوه الاصغر "محمد بن سوقات"

يا الاخو كلهن مزايينا .. صغار سن وسولعيّاتي

مابلغن من العمر عشرينا .. لا تزوّر قول وبهاتي

لي اظهرن في البص ماشينا .. من الدجر يمشن بكيفاتي

من حديث العلم باغينا .. هندسة أو جولجياتي

الوعد من عقب سنتينا .. الكل فايز بالشهاداتي

كلهن دانات والجينا .. كاملات الحسن تلعاتي

وانت مالك حد امعينا .. خل عنّك ها الدعاياتي

صوتوا باسمي ملايينا .. وانته مالك صوت هيهاتي

والسموحه ^_^