يا مشغلتني

موضوع: يا مشغلتني الأربعاء نوفمبر 14, 2007 10:46 pm

يامشغلتني بالسهر والتفاكير
تسمعيني به كلام ٍ بقولــه

حسبي عليكن يالبنات الغنادير
مافيه رجل الا كسبتن ميوله

وانا كسبتنَي وانا عادي صغبر
يالين شفت التهلكه والمهوله

واتعبت رجلي في كثير المشاوير
ويعنك طرقتها ماهيب معقوله

مير اسمعوني يالرجال المناعير
عندي كلام عن الهوا وافطنوله

بالشعر اصور حالة الحب تصوير
والحر دايم يفتهم لا اشروله

الحب مثل البير واعمق من البير
ولاكل من يبغى قراحه يطوله

بعض الدلي يقصر عن الجم وايحير
وبعض الدلي شقه يكب امحصوله

والناس من حوله جموع وطوابير
والرابح اللي ماتسمع عذوله

ذولا مواريدن وذولا مصادير
وياويل ناس ٍ فالزمان اوردوله

وانا وردته لين ذقت التعازير
واخذت عبره والتجارب عموله

القلب طير وكلبونا صقاقير
في وقتنا والصيد مزداد جوله

وبيض العذارى كالحباري مخامير
وطيورنا يم الحباري عجوله

وانا كفخ طيري سما واطلق السير
واشتلتلي هم ٍ ثقالن حموله

ياليتني هونت عن هدة الجير
ولاذقت من فعله مرارة فعوله

الصيده اللي عقبها يمرض الطير
روح المولع من هواها جفوله

واللي يبي توضيح ٍ أكثر وتقرير
يسمع نصيحة من ثوتبه ذلوله

من هو يبي يمسي على خير وبخير
يترك طريق الحب عرضه وطوله

وسلامتــــــــــــــــــــــكم

شو ها الكلام ابصراحه كلام اكبير ثانكس خيووو

ولكمووو .. ويسلموو ع المرور الغاوي ..ــــــــــــــــــــــتحياتي سونابوري غاوي .
..